შესავალი

ალბათ ყოველი თქვენგანის თვალებს უნახავს და ინტერნეტ ბრაუზერს გაუხსნია YouTube-ს საოცარი ვებგვერდი… ყოველ თქვენგანს მოსწონებია ამ საოცარ ვებგვერდზე განთავსებული რომელიმე ვიდეო, გასჩენია სურვილი ჩამოექეჩა ეს ვიდეო თავის კომპიუტერზე, თუმცა აქ გაჩერებულა… რატომ? იმიტომ რომ არ იცოდა როგორ ჩამოექაჩა.
ისე არცაა გასაკვირი, YouTube ხომ არ გვაძლევს საშუალებას ვიდეო ჩამოვქაჩოთ… აქ სწორედ დგება მომენტი როდესაც უნდა ვეძიოთ რაიმე გამოსავალი… ბევრი ძებნისა და წვალების შემდეგ ვაგნებთ ერთ საინტერესო რამეს, რაზეც დღეს, აქ, ამ სტატიაში ვისაუბრებთ
მაშ ასე აღმოვაჩენთ რომ ჩვენამდეც ბევრი ყოფილა ასეთ სიტუაციაში, ბევრს უყლაპია ნერწყვები YouTube საიტზე ყურებისას და ბევრს გადაუწყვეტია, ხერხი ეპოვნა და როგორმე ვიდეო მოეხსნა საიტიდან. დღეს სწორედ ასეთ აღმოჩენილ ხერხზე ვისაუბრებთ…

მითი და რეალობა

შორეულ სამყაროში (სადამდეც ინტერნეტი წვდება) ერთი კეთილი პროგრამისტი, ინტერნეტის უკიდეგანო სივრცეში დაბოდიალობდა… ბერვი ბოდიალის თუ ცოტა ბოდიალის შემდეგ მიადგა You Tube-ს მაღალ კარიბჭეს, შეაღო იგი და იხილა სერვერი, გაძეძგილი ვიდეოს ზოდებით. გახარებულმა გადაწყვიტა თავი მოეყარა რამდენიმე ვიდეოზოდისათვის და წამოეღო თავის ვინჩესტერზე. თუმცა შენც არ მომიკვდე, ძვრაც ვერ უყო… ამით აღშფოთებული პროგრამისტი სასწრაფოდ გამოეთიშა მედიტაციიდან (სინამდვილეში თავის ცისფერ მონიტორთან ჩასძინებოდა) და სასწრაფოდ დაიწყო იმაზე ფიქრი როგორ მოეხსნა ვიდეოზოდები YouTube-დან… დამშვიდდა, წამიერად ჩაფიქრდა… უცბად გაშეშდა, თვალები გააფართოვა თითქოს რაღაცას მიხვდაო… მკვეთრი მოძრაობით მიიწია კლავიატურა, გონება დაძაბა, აღმართა თბილი ხელები, მოემზადა და დაჰკრა თითები კლავიშებს…
და ეს იყო დღე როდესაც შეიქმნა პროგრამა რომელიც საშუალებას მოგვცემდა მოგვეხსნა ვიდეო YouTube-დან.

პროგრამის შესახებ

პროგრამის სახელია YouTube Downloader და შექმნილია ჩვენნაირი იუზერებისთვის, რომელთაც YouTube-ს სერვერიდან რომელიმე ვიდეოს ჩამოქაჩვის სურვილი გვაქვს…
პროგრამას გააჩნია ძალიან მარტივი სამომხმარებლო ინტერფეისი. ე.ი. მოხმარებაც ადვილია. უბრალოდ შევდივართ YouTube-ს საიტზე, ვხსნით ვიდეოს და ვაკოპირებთ ბრაუზერის Adress ველში მოცემულ მისამართს (ანუ ამ ვიდეოს გვერდის მისამართს) ან სულაც ამ ვიდეოს გვერძე სპეციალურ URL ველში მოცემულ მისამართს, შემდეგ ვხსნით YouTube Downloader -ს და დაკოპირებულ მისამართს ვსვავთ ”Enter Video URL” ველში. ამის მერე ვაწვებით OK და ვქაჩავთ ვიდეოს სასურველ ადგილას. პროგრამას ასევე გააჩნია კონვერტირების ფუნქციაც, ჩამოქაჩული ვიდეოს კონვერტირება შეგიძლიათ 6 განსხვავებულ: MOV, MPEG-4 MP4, H.264 MP4, 3GP, WMV, AVI ვიდეო და MP3 აუდიო ფორმატში… (ჩამოქაჩული ვიდეო ინახება .flv ფორმატში)

პროგრამის ჩამოქაჩვა შეგიძლიათ ჩვენი ვებგვერდიდან ან მოცემული ლინკიდან: პროგრამის ჩამოსაქაჩად დააჭირეთ აქ!